Beraien aberastasuna:
26 milioi euroko aurrekontua; horietatik 18 milioi Eusko Jaurlaritzak jarriko ditu, 6 milioi Gipuzkoako Foru Aldundiak eta 2 “bakarrik” Basque Culinary Centerrek. Donostiako Udalak doan utziko du espazio osoa. Betiko eraikuntza-enpresa berberentzako negozioa.
Gure miseria:
Gros auzoan establezimenduak ixtea eta bizitza, harreman sozialak eta komunitarioak galtzea, hirigintza-espekulazioa egitea eta, horren ondorioz, etxebizitza garestitzea, inguruneari eta ingurumenari kalte egitea, eta erakunde pribatu bati espazio publikoa doan uztea.
Horregatik uste dugu hirian pentsatu beharko litzatekeela, eta ez negozioetan bakarrik. Manteon anbulatorio bat, etxebizitzak edo herritarrei, eta ez gutxi batzuei bakarrik, mesede egin diezaiekeen edozer eraiki liteke. Garapen iraunkorraz hitz egiten da, baina Donostia bainuetxe bihurtzen ari dira, gutxi batzuen turismoa eta negozioetan pentsatuz.
