Monteagudoko Paloteadoaren koplak
Joselico Jarauta eta Julián Matute monteagudotar paloteadoreek kantatuak, 1894ean
Aspaldian Nafarroa,
Erresuma argi bat zenez,
libre zegoen sodadutzaz,
zergez eta eginbeharrez.
Mila bortzehun ta hamabian
Gaztelari ginen batu,
nahiz eta itunari esker
lege zaharra gerizatu.
Nafarroak urte hartan
anitz da galdu zuena,
zer ta burujabetasuna,
oroz gaindo maiteena!
Anitz baitira Espainian
lan dagitenak maltzurki
Nafarroa izan dadin
probintzia arrunt bat aurki.
Bere hortan iraunen badu,
beki espainol gobernuak
Nafarroan neurri latzak
izanen direla hartuak.
Tafalla, Erriberri, Ablitas,
Monteagudo, Kabanillas,
Kaskante, Murtxante, Kortes,
Lizarra, Buñuel, Barillas!
Egin dezagun aurrera!
Garen denok bat gerrilaz!
Anai bailiran ditugu
adiskide ezin hobeak:
arabar, bizkaitarrak
eta gipuzkoar trebeak.
Gamazok erranak erran,
gora lau herrialdeak,
oroit daitekeenez geroz
barik egon direnak.
Gora Nafarroa eta Lege Zaharrak!
